13 қараша -Халықаралық зағиптар күніне орай "Жанарсыз адам, жалынды жыр" мерекелік шара
13 қараша – Халықаралық зағиптар күні. Айтулы күнде көптеген елде көру қабілетінен айырылған адамдарға назар аударып, қамқорлық танытуға арналған көптеген шаралар өткізіледі. Тағдыр тауқыметін тартқан олардың тұрмыс – тіршілігі қиындыққа толы. Десе де өзге азаматтар секілді ел қатарлы өмір сүруге ұмтылуда. Осған орай бүгін арнаулы кітапхана қызметкерлері мен Қазақ Соқырлар Қоғамы клуб қызметкерлерінің бірлесуімен І-ІІ топ көз мүгедектері арасында дойбыдан сайыс ұйымдастырылды. Сайыстың мақсаты – қамкөңіл жандардың шығармашылық қабілеттерін ескере отырып, оларға қолдау көрсету және әрдайым қоғамда алар өз оындары бар екенін сезіндіру. Сайыс нәтижесі бойынша 1орын – І топ көз мүгедектері Жүсіп Сағат және К. Дүзбай, 2 орын - І топ көз мүгедегі Тілегенов Жасұлан, ІІ топ көз мүгедгі Жармахан Мирамкүл. 3 орын – І топ көз мүгедегі Тәжібаев Жетес, ІІ топ көз мүгедегі Кеңесбаева Бибігүл иеленді. Сайысқа қатысушыларға ынталандыру сыйлықтары мен алғыс хаттар табысталды. Сайысқа демеушілік жасағандар қалалық спорт бөлімі және «Орда зағиптар» қоғамдық бірлестігінің басшысы Бименов Ролан Асқарұлы.
