Тәуелсіз Қазақстанның тұңғыш Қорғаныс министрі, Халық қаһарманы С.Нұрмағанбетовтің туғанына 100 жыл толуына орай «Қазақ қаһарман перзенті» портрет кеші
Екінші дүниежүзілік сұрапыл соғыстың жеңіспен аяқталуына сүбелі үлесін қосқан оғландардың қатарында қазақ елінің біртуар перзенті, Кеңес Одағының батыры, Тәуелсіз Қазақстанның бірінші Қорғаныс министрі, «Халық Қаһарманы» атағының иегері болған Сағадат Нұрмағамбетовтің туғанына биыл 100 жыл толып отыр. Ия, жеңіс оңайлықпен келген жоқ, қаншама азаматтар жеңіс күнін жақындату үшін мұз жастанып, қар жамылып аянбай жаумен айқасты. Жеңіспен еліне оралған батырдың құрметіне «Қазақтың қаһарман перзенті» атты портрет кеші арнаулы кітапхананың оқу залында болып өтті. Кітапхана қызметкерлері батырдың өмірі мен ерліктеріне тоқталып оқырмандар тарапынан қойылған сұрақтарға жауап берді. Сағадат ағамыз 2013 жылдың 24 қыркүйегінде 90 жасқа қараған шағында өмірден озды. Оның артында Лира Сәбирова есімді әйелі, Талғат пен Айсұлу есімді балалары мен 4 немересі қалды. Бірінші Қарулы күштердің құрылуы мен қалыптасуында аса маңызды рөль атқарған алғашқы армия генералы Сағадат Нұрмағамбетовтың есімі ел тарихында мәңгі қалары анық...
