21 мамыр – мәдениет және өнер қызметкерлері күніне орай «Мәдениет – руханияттың ұлы өрісі» мерекелік шара.
Мәдениет – ең алдымен жәдігерлік. Оны ұрпақтан ұрпаққа жеткізуші – зиялы қауым. Қызылорда облыстық зағип және нашар көретін азаматтарға арналған арнаулы кітапханасында 21 мамыр – Мәдениет және өнер қызметкерлерінің күніне орай «Мәдениет – руханияттың ұлы өрісі» атты мерекелік шара өтті.Шараны кітапхана қызметкері Бекенова Айна, «Қазақ Соқырлар қоғамы» қоғамдық бірлестігі Қызылорда облыстық филиалы төрайымы Бидайкүл Байманова ашып, кітапхана қызметкерлерін төл мерекесімен құттықтады. Мерекелік шарада кітапхана қызметкерлері Ақмарал Нүрлиева, Үсенов Айдар, кітапхана оқырмандары Құлдүйсенова Меруерт, Ешнияз Динара, Сайып Дастан, Сейфулла Бақдәулет әннен шашу шашып көрермен көңілінен шықты.
Бұл мереке туған жеріміздің рухани дамуына және бай мәдени мұрамызды дәріптеуге зор үлес қосып жүрген жандарды біріктірген, шығармашылық адамдарына деген айрықша құрметтің белгісі, әрбір мәдениет қызметкері үшін ерекше күн. Құрметті әріптестер, кәсіби мерекелеріңіз құтты болсын. Сіздерге сарқылмайтын шабыт пен өнер жолында жаңа табыстар тілейміз
