23 сәуір-Дүниежүзілік кітап және авторлық құқық күніне орай «Кітап дәуір айнасы» атты ашық есік күні
Кітап – адам баласы ақыл-ойынан туған рухани байлықты сақтап, оны ұрпақтан ұрпаққа жеткізіп отыратын құрал, білім мен тәрбие көзі. Ол – адамзат жасаған ең ұлы кереметтердің бірі. Бүгін 23 сәуір – Халықаралық кітап және авторлық құқық күні. Осы орайда арнаулы кітапханада 23 сәуір-Дүниежүзілік кітап және авторлық құқық күніне орай «Кітап дәуір айнасы» атты ашық есік күні өтті.
Білімнің қайнар көзі кітап екені баршаға мәлім. Сондықтан да, кітап адамзаттың баға жетпес құндылығы деп білеміз.
Шараның мақсаты кітапхана қызметінің жұмыстарын, техникалар мен тифлоқұралдар жайлы оқырмандарға таныстыру. Кітапхананың оқу залындағы кітап көрмелері мен дыбыс жазу студиясымен танысты.
Дыбыстандырылған әдебиеттерден үзінді тыңдап, диктордың жұмыс орнын көрді.
Кітапхана бүгінгі заманның талабына сай жаңа техникалық құрал-жабдықтармен жабдықталған.
Бүгінгі "Ашық есік күніне" қатысқан оқырмандар кітап оқудың терең тәрбиелік мәнін түсініп, кітап оқитын қоғамға өз үлестерін қосуға ниеттерін білдіріп қайтты.
Бұл шараға мектеп оқушылары, мұғалімдер мен кітапхана оқырмандары қатысты.
