«Жанарсыз да жарық әлем» атты әдеби шара
ЖАНАРСЫЗ ДА ЖАРЫҚ ӘЛЕМ
Бүгін облыстық зағип және нашар көретін азаматтарға арналған арнаулы кітапханасының ұйымдастыруымен Қазалы аудандық орталықтандырылған кітапханасында ауданның зағип және көзі нашар көретін оқырмандарын кітапхана қызметімен қамту, мүмкіндігі шектеулі азаматтарды қоғамға тарту және ақпарат алуға еркін кеңістік орнату мақсатында «Жанарсыз да жарық әлем» атты тақырып аясында әдеби шара және әдістемелік құралдар мен жаңадан алынған әдебиеттерден көрме ұйымдастырылды. Бүгінгі күні ауданда мүмкіндігі шектеулі 127 оқырман тіркелген.
Шара аясында заман талабына сай кітапхана оқырмандарының қолданысында жүрген тифлоқұралдармен (оқу машинасы «Сара», «Оникс» ұлғайтқыш құралы, тифломагнитофон, өздігімен Брайль қарпін үйрететін құрылғы, жазу машинасы) жұмыс жасау тәсілдерімен таныстырылып, кітапхана жанынан жұмыс жасайтын Дыбыс жазу студиясынан оқырмандардың сұраныстары бойынша жазылған дискалы кітаптары оқырмандарға ұсынылды.
