Жазушы Мұрат Әуезовтің 80 жасқа толуына орай «Әдебиеттің алыбынан қалған мәдениеттің марқасқасы» атты әдеби вернисаж
Бүгін, Арнаулы кітапхананың ұйымдастыруымен Сақтапберген Әлжіков атындағы № 144 орта мектебінің кітапханасында 7 «д» сынып оқушыларының қатысуымен жазушы Мұрат Әуезовтің 80 жасқа толуына орай «Әдебиеттің алыбынан қалған мәдениеттің марқасқасы» атты әдеби вернисаж болып өтті. Шараның мақсаты: Мұрат Әуезовтің өмірі мен шығармашылығын таныстыру, ұрпаққа берер үлгісі мол ұлт жанашырын ұлықтау мақсатында жастарға үлгі өнеге болатын ұлы тұлға жайлы кеңінен таныстыру. Қайраткердің өмірі мен шығармашылығы жас ұрпаққа үлгі ғана емес, өміртану жолында да дайын даңғыл. Ол ұлттардың тарихын терең зерттеп қана қоймай, ғасырдан ғасырға жалғасқан ажырамас ұстанымдарын да айқын көрсетіп берген қоғам жанашыры. Шара барысында жазушының өмірі мен шығармашылығына арналған видеоролик көрсетілді. Оқырмандарға жазушының шығармашылығы төңірегінде сұрақтар қойылып белсенді оқырмандар Алғыс хаттармен марапатталды.
