«Тіл - ұлттың жаны» тілдер мерекесіне орай поэзия кеші.
Қазақстан халқы тілдері күніне орай Қызылорда облыстық зағип және нашар көретін азаматтарға арналған арнаулы кітапханасының Шиелі ауданындағы бөлімшесінде «Тіл білімнің атасы» атты кітап көрмесі ұйымдастырылды.
Кітап көрмесінің мақсаты: Ана тілін білудің маңызын түсіндіріп, ана тілі туралы өлеңдер, нақыл сөздер, мақал-мәтелдер, шешендік сөздер айту арқылы сөздік қорын молайту, тіл байлығын дамыту; жас ұрпақты ана тілінің қадір-қасиетін түсіне білуге тәрбиелеу.
Тіл қай ұлтта, қай елде болмасын қастерлі, құдіретті. Ол әрбір адамға ана сүтімен бірге еніп, қалыптасады.Тіл әрбір елдің, ұлттың мақтанышы. Ол атадан балаға мирас болып қалып отырғаны баға жетпес мұра. Демек әрбір азамат ана тілін көзінің қарашығындай сақтап қорғауға, құрметтеуге, дәріптеуге ана тіліміздің тұғырының мықты болуына негіз қалаған бабаларымыздың өсиетін ұран етуге міндетті.
