«Домбыра күні – ұлттың үні» 1 шілде – Ұлттық домбыра күніне өнер сағаты.
Абайдың даналығы, Әуезовтің ғұламалығы, Жамбылдың жырлары мен Құрманғазының күйлері, ғасырлар қойнауынан жеткен бабалар үні. Домбыра қазақтың қадірі мен қасиетін атадан балаға жалғап келе жатырған жәдігер.Ұлттық салт-дәстүрлерімізді тіліміз бен музыкамызды, әдебиетімізді бір сөзбен айтқанда, ұлттық рухымыз бойымызда мәңгі сақтау мақсатында Қызылорда облыстық зағип және нашар көретін азаматтарға арналған арнаулы кітапханасында 1 шілде Домбыра күніне орай «Домбыра күні ұлттың үні» атты өнер сағаты өткізілді.
Шараның мақсаты жастардың ой ұшқырлығын шыңдап, ата-бабадан кәсіп болған дәстүрлі домбыраға қызығушылық сезімін оятып және өнер арқылы білімге терең бойлауға мүмкіндік тудыру.
Шара барысында кітапхана оқырмандары ұлттық домбырамызда күйлер орындап көпшілікті күй әлеміне бір алып барып келді. Тыңдағанның құлағының құрышын қандыратын, ойлағанның ойын шыңдайтын шіркін ұлттық домбырамызға не жетсін...
