«Ашаршылық ақиқаты: деректер мен дәйектер» 31 мамыр – Саяси қуғын-сүргін құрбандарын еске алу күніне орай Сағат Жүсіппен кездесу кеші.
Өткен ХХ ғасыр қазақ халқының тарихында ұлы оқиғалармен есте қалады. Сол оқиғалардың ішінде «мың өліп, мың тірілген» халқымыздың басынан өткен 1930-1938 жылдар ауыр да азапты кезең болды. Өткенге ой жіберіп, осы күнге жете алмай, армандап өткен асыл азаматтарымызды еске алу, ұмытпау – әрбір ұрпақтың парызы.
Осы орайда, Қызылорда облыстық зағип және нашар көретін азаматтарға арналған арнаулы кітапханасының ұйымдастыруымен «Ашаршылық ақиқаты: деректер мен дәйектер» атты кездесу кеші өтті.
Кездесуге Қызылорда өңірінің тумасы саясаткер, өлкетанушы, журналист, аудармашы, бірнеше тарихи және саяси танымдық кітаптардың авторы Сағат Жүсіп қатысып, қазақ халқының тарихындағы қасіретті кезеңде солақай саясаттың құрбаны болған қазақ халқының зиялылары туралы мағлұмат беріп өтті.
Кездесуге қатысушылар тың деректер алып, өз ойларымен де бөлісті.
