«Жолдау жүктеген міндеттер» атты ақпарат сағаты
Қызылорда облыстық зағип және нашар көретін азаматтарға арналған арнаулы кітапханасында кітапхана қызметкерлері мен мектеп оқушылары арасында ҚР Президенті Қасым-Жомарт Тоқаевтың Қазақстан халқына жолдаған «Сындарлы қоғамдық диолог – Қазақстанның тұрақтылығы мен өркендеуінің негізі» атты Алғашқы Жолдауынан « Жолдау жүктеген міндеттер»атты ақпарат сағаты өтті.
Қазақстанның келешекте атқарылатын бағдарламалық құжатын жүйелі және айқын іске асыру мақсатында өткен іс-шарада Арнаулы кітапхана қызметкері П.Кошкарова ҚР Президенті Қ.Тоқаевтың алғашқы жолдауы еліміздің жарқын болашағының кепілі екенін атап өтіп , жетістіктерімізді одан сайын еселей түсетін жолдаудың бағыттарына тоқталып өтті.
№7 мектеп ұстаздары Г. Қалиева, А. Нұрылдаевалар іс шараға атсалысып Жолдаудағы ауыр қылмыстар үшін жазаны қатаңдату,азаматтық қоғамды қолдау,ішкі істер органдарын реформалау білім сапасын жақсарту,еңбекақы төлемін арттыру басқа да өзекті мәселелер көтергендігін және халықпен тиімді кері байланыс орнату, митингілер туралы заңнаманы жетілдіру, қоғамдық келісімді нығайту бағыттары да халық көңілінен шығып отырғандығына тоқталды.Кітапхана оқырмандары А.Оралбай,З.Төлегенова,Ш.Тәженовалар Жолдауда жер, тіл мәселесі, мемлекеттік сатып алу, Ұлттық қор қаражаты, мұғалімдердің жалақысы тәрізді халықтың көкейінде жүрген көптеген келелі мәселер көтерілгендігін,әсіресе төртінші бағыты бойынша мемлекет басшысының мәдениет саласына ерекше көңіл бөліп оның ішінде кітапханашылар мәртебесі туралы айтылып, кітапханашылар еңбегінің үкімет назарына ілінгеніне ризашылықтарын білдірді.
Қатысушы кітапхана қызметкерлері , ел рухын асқақтатқан тарихи Жолдауда барлығын бірдей мемлекетке арта бермей, ел үшін жауапкершілікті сезіну, тек қана еңбек біздің көсегемізді көгертетіні нақты айтылғандығын , көзделген барлық алға қойған бағыттарын және келесі жылы Әл-Фарабидің 1150 жылдығы мен Абай Құнанбайұлының 175 жылдық мерейтойын атап өтуді жүзеге асыруда кітапханашылардың да қосар үлесі зор екендігін айтып бірауыздан қолдау білдірді.
