Қызылорда облыстық зағип және нашар көретін азаматтарға арналған арнаулы кітапханасы

Ұстаз, ғалым, күйші М.Қалауовтың туғанына 85 ж. Мүлкаман Қалауов атындағы өнер мектебі оқушыларының қатысуымен әуен кеші.

         Есімі бүкіл республикаға танымал ақын, күйші, профессор, сазгер, өнердің ерен жүйрігі, ұлтымызға белгілі өнер саңлақтарының бірі, республикамыздың емес, талай елдің сахнасын ән мен сәнге бөлеген белгілі «Сыр сұлуы» халық ән-би ансамблін ұйымдастырып, көркемдік жетекшісі болған жерлесіміз Мүлкаман Сүлейменұлының Қалауовтың туғанына биыл 85 жыл толып отыр. Осы орайда бүгін Қызылорда облыстық зағип және нашар көретін азаматтарға арналған арнаулы кітапханасында  «Сыр саңлағы» атты әуен кеші өтті. Шараға қаламыздағы Мүлкаман Қалауов атындағы Өнер мектебінің оқушылары қатысып өз өнерлерін көрсетті. Шараның мақсаты өнер өлкесіне өзіндік өрнегін салып, қолтаңбасын қалдырып кеткен бірегей күйшінің есімін ұлықтау, өнегелі өмір жолы мен шығармашылығын насихаттау, ұрпаққа үлгі ету. Өз тұсындағы қазақтың ән-күй өнерінің аманат жүгін абыроймен арқалаған азамат Мүлкаман Сүлейменұлы ұрпақ жадында мәңгілік жасай береді...