«Заманының заңғар тұлғасы» Махамбет Өтемісұлының туғанына 220 жыл толуына орай тарихи-таным сағаты.
Ақын, ұлт азаттығы үшін күрескер тарихи тұлға Махамбет Өтемісұлының туғанына биыл 220 жыл толып отыр. Махамбет Өтемісұлы өзінің қайраткерлігімен бірге, отты, жалынды өлеңдері арқылы бар өмірін туған халқының мұңын жоқтауға арнаған ақын. Бүгінгі Қызылорда облыстық зағип және нашар көретін азаматтарға арналған арнаулы кітапханасының ұйымдастыруымен өткен «Заманының заңғар тұлғасы» атты тарихи-таным сағаты ақынның, батырдың шығармашылығы мен ерліктерін паш етуге бағытталды.Шара барысында Махамбет Өтемісұлының өмірі мен ерліктері туралы слайд көрсетіліп, ақынның өлеңдері мен күйлерін кітапхана оқырмандары Құлдүйсенова Меруерт пен Петрова Катя оқып, «Жұмыр қылыш» атты күйін қаламыздағы Мүлкаман Қалауов атындағы өнер мектебінің оқушысы Алмасұлы Серік нақышына келтіріп орындады.
Махамбет ұлттық тұлға, оның батырлығын, ақындығын, күйшілігін, азаттық жолындағы күрескерлігін болашақ ұрпақтың санасына сіңіру біздің яғни, кітапхана қызметкерлерінің басты міндеттерінің бірі.
Олай болса ұрпағының болашағы үшін күрескен, қазақ халқының бостандығы жолында өмірлерін құрбан еткен батыр бабаларымызды əрқашан мақтан тұтып жадымызда мәңгілік сақтауымыз керек...
