«Сыбайлас жемқорлыққа қарсы күрес білім және тәрбие» атты дөңгелек үстел
24.09.2019 жылы арнаулы кітапханада «Сыбайлас жемқорлыққа қарсы күрес білім және тәрбие» атты дөңгелек үстел болып өтті.
Мақсаты: Қоғамның сыбайлас жемқорлыққа қарсы білімдерін тереңдету, заң алдындағы жауапкершілікті арттыру, ұйымшылдықпен саяси сауаттылыққа баулу.
Кешке Смағұл Ысқақов атындағы құрылыс және бизнес колледжінің студенттері мен ұстаздары және кітапхананың тұрақты оқырмандары қатысты. Шараны мекеме басшысы Алданазаров Ерғазы Жарылқасынұлы ашып қоғамда белең алып жатқан жат әрекеттерді мысалға келтіре отыра дендеп бара жатқан теріс ұғымнан алшақ болуға шақырды.
Шараға «Нұр Отан» партиясы «Жас Отан» жастар қанатының төрағасы Талғат Тілес мырза қатысып, оқырмандарға сыбайлас жемқорлықтың алдын алу мақсатында тек білім алу керектігін, білімді болсаң талай жетістіктіктерге өз еңбегіңмен жетуге болатынын баса айтты. Кітапхана оқырманы 1 топ көз мүгедегі «Орда зағип» қоғамының басшысы Бименов Ролан келген қонағымызға жастарға қолдау көрсетіп, шабыт бергеніне алғыс айтып, жастармен жиі –жиі кездесіп тұруға ұсыныс жасады.
