«Кітап – сарқылмас қазына» 2 сәуір – Халықаралық балалар кітабы күні, 23 сәуір – Халықаралық кітап және авторлық құқықты қорғау күніне орай кітап апталығы.
Қызылорда облыстық зағип және нашар көретін азаматтарға арналған арнаулы кітапханасының ұйымдастыруымен 2 сәуір - Халықаралық балалар кітабы күні және 23 сәуір - Халықаралық кітап және авторлық құқықты қорғау күніне орай «Кітап - сарқылмас қазына» атты кітап апталығы өткізілді. Мақсаты: Кітаптың адам өміріндегі маңызы туралы ұғындыру және жас ұрпақтың кітапқа деген қызығушылығын арттыру. Шараға №4 С.Сейфуллин атындағы ІТ мектеп-лицейінің оқушылары қатысып, өлеңдер оқыды. Кітапхананың оқу залында «Кітап- рухани күш» атты кітап көрмесі ұйымдастырылып жас оқырмандарға таныстырылды. Көрме үш бөлімнен тұрды. Олар: «Кітап - ең сабырлы ұстаз», «Кітап - сарқылмас рухани қазына», «Кел жастар кітап оқылық». Кешті кітапхана әдіскері А.Бекенова ашып кітаптың адам өмірінде алатын орны туралы айтты. Кітапханашы П.Кошкарова кітап көрмесімен және кітапханаға келген балаларға арналған жаңа әдебиеттермен таныстырды. Нәтижесінде 9 бала оқырман болып тіркеліп жаңа әдебиеттерді оқуға алды.
