«1916 жылдың ұлт азаттық көтерілісінің көсемі» Аманкелді Имановтың туғанына 150 жыл толуына орай тарихи-таным сағаты.
Бір ғасырды бір ғасыр алмастырып, жаңа тарих туса да сол тарихты жасаған тұлғалардың есімдері асқақтап, ұлықтала бермек. Осындай тарихи тұлғалардың бірі 1916 жылғы ұлт-азаттық көтерілістің қолбасшысы, батыр-сардар Амангелді Үдербайұлы Имановтың туғанына биыл150 жыл толып отыр. Ол – халық батыры, ол – ел деп туған халық перзенті. Амангелді – әділетті аңсаған қара халықты күреске жұмылдырған ердің ері.
Осы орайда, Қызылорда облыстық зағип және нашар көретін азаматтарға арналған арнаулы кітапханасының ұйымдастыруымен «1916 жылдың ұлт азаттық көтерілісінің көсемі» атты тарихи-таным сағаты өтті. Шара барысында батырдың өмірі мен ерліктері туралы слайд көрсетілді. Оқырмандар көптеген тың мағлұматтарға қанық болды.
Бүгінгі ұрпақтарының бақытты өмірі мен нұрлы болашағы жолында толарсақтан саз кешіп, қу толағай жастанған ерлер есімі мәңгілік сақталады. Адамның өмірге жәбір-жапа көруге емес, таудай қасіретке де қарсы тұрып оны жеңуге келгенін ерліктері арқылы дәлелдей білген батыр ол Амангелді Иманов. Оның есімі, ерлігі қазақ тарихының беттерінде мәңгі сақтала бермек...
