«Бір өлке - бір кітап» акциясы аясында Т.Әбдіктің «Парасат майданы», «Әке» шығармаларына әдеби таныстырылым.
Биыл республикалық «Бір ел – бір кітап» акциясы аясында 2023 жылдың жыл кітабы болып Төлен Әбдіктің шығармаларын оқу бекітілді. Осыған орай бүгін Қызылорда облыстық зағип және нашар көретін азаматтарға арналған арнаулы кітапханасында Төлен Әбдіктің шығармаларын насихаттау мақсатында қаламыздағы №4 С. Сейфуллин атындағы IT мектеп-лицейі, №8 арнайы санаториялық мектеп-интернаты, №5 көзі көрмейтін және нашар көретін балаларға арналған мектеп-интернат және арнаулы кітапхана қызметкерлері мен оқырмандарының қатысуымен жазушының «Парасат майданы» және «Әке» повестеріне әдеби талдау өтті. Шара барысында кітапханашы Зина Бисенова Төлен Әбдіктің өмірі мен шығармашылығына тоқталды. Кітапхана оқырманы Р.Ахатаев және №4, №5 мектеп-интернат қызметкерлері Төлен Әбдіктің шығармаларынан алған әсерлерімен бөлісті. Аталған шара алдағы уақытта да арнайы мектеп-интернат базасында да жалғасын табатын болады...
