«Өнер әлеміне өшпес із қалдырған» атты зағип композитор Жақсыгелді Сейіловтің туғанына 70 жыл толуына орай әдеби-сазды кеш
17.09.2019 жылы Қызылорда облыстық зағип және нашар көретін азаматтарға арналған арнаулы кітапханада «Өнер әлеміне өшпес із қалдырған» атты зағип композитор Жақсыгелді Сейіловтің туғанына 70 жыл толуына орай әдеби-сазды кеш болып өтті. Әдеби кешті Қазақ соқырлар қоғамы оқу-өндірістік кәсіп орын директоры ашып кеш қонақтарына зағип композитор туралы жылы лебізін білдірді. Кешке кітапхананың тұрақты оқырмандары қатысты. Кітапханашы Қ. Макосова Ж.Сейіловтің өмірі мен шығармашылығына тоқталса, А. Нүрлиева композитордың «Ана туралы баллада» және «Әке туралы ой» әнін нақышына келтіре орындады. «Жезкиік» әнін кітапхана қызметкері Үсайын Айбек орындаса, тұрақты оқырманымыз Тасмахова Гүлнар композитордың «Махабат мұңы» әнін орындап берді. Кеш концерттік бағдарламаға ұласты.
