«Ұлттың ұлы ұстазы» Ақын, әдебиет зерттеушісі, ғалым, түркітанушы, педогог А.Байтұрсынұлының туғанына 150 жыл толуына орай кітап көрмесі.
Адамды мұратқа жеткізетін ана тілі мен ата дәстүрі. Біздің осындай халықтық қасиетті мұрамыз, ана тіліміз – қазақ тілі. Алаш арысы Ахмет Байтұрсынұлының: «Сөзі жоғалған ұлттың өзіде жоғалады» - деп көрегендікпен айтылған сөзіне бүгінде жер бетінен мәңгілікке жойылып кеткен біршама ұлттардың тағдыры куә. Ахмет Байтұрсынұлы қазақтың ақыны, тіл және әдебиет зерттеуші ғалым, түріктанушы, публицист, педогог, аудармашы, қоғам қайраткері. Осыған орай Қызылорда облыстық зағип және нашар көретін азаматтарға арналған арнаулы кітапхана оқу залында Ахмет Байтұрсынұлының шығармаларын насихаттау мақсатында «Ұлттың ұлы ұстазы» атты кітап көрмесі жасалды. Көрмеге А. Байтұрсынұлының «Тіл тағылымы», «Әдебиет танытқыш», Ахмет Байтұрсынұлы Шығармалары атты кітаптары мен мерзімді басылымдарға жарияланған мақалалары және Брайль қарпінде жазылған кітаптары қойылып оқырмандарға таныстырылды.
