«Бостандыққа басын тікті боздақтар» атты 1986 жылғы желтоқсан құрбандарын еске алу кеші
Бүгін, Қызылорда облыстық зағип және нашар көретін азаматтарға арналған арнаулы кітапханасының ұйымдастыруымен «Бостандыққа басын тікті боздақтар» атты 1986 жылғы желтоқсан құрбандарын еске алу кеші болып өтті. Шараны арнаулы кітапхана директоры Арысбаев Бауыржан Мыңжасарұлы ашып желтоқсан оқиғасы қазақ жастарының әділдік іздеп алаңға шыққаны, бостандық ұшін бастарын бәйгеге тіккен қазақтың батыр ұлдары мен қыздарының ерліктері туралы айтты. Шараның мақсаты желтоқсан оқиғасы арқылы бабаларымыз армандаған егемендікке қол жеткізгеніміз және осы тәуелсіздікке жету жолында талай боздақтардың жазықсыз жазаланып шейіт болғандарын өскелең ұрпаққа жете ұғындыра отырып Отанды сүюге, құрметтеуге, ел мен жердің қадір- қасиетін жете ұғындыру болатын. Шара барысында патриоттық тақырыпта өлеңдер оқылды. Сонымен қатар кітапхананың оқу залында «Жадымда қалған Желтоқсан» атты кітап көрмесі ұйымдастырылып оқырмандарға таныстырылды.
