Отбасы күніне орай ұйымдастырылған республикалық «Отбасы – бақыт мекені» акциясы
2013 жылы 1 наурызда Қазақстан Республикасының Тұңғыш президенті – Елбасы Н.Ә.Назарбаевтың Жарлығымен бекітілген Отбасы күніне орай ұйымдастырылған республикалық «Отбасы – бақыт мекені» акциясы аясында облыстық зағип және нашар көретін азаматтарға арналған арнаулы кітапханасы Қызылорда облысының жастар саясаты мәселелері басқармасымен бірлесіп «Елімнің болашағы – салауатты отбасы» атты мерекелік шара ұйымдастырды. 2019 жылдың 10 қыркүйек күні өткізілді.
Мақсаты: Қоғамда отбасылық құндылықтарды насихаттау, жас өрендердің өнерлерін шыңдау, өнерлі балаларды анықтау, кітапханаға оқырмандарды тарту, оқырмандардың қызығушылығын арттыру, мүмкіндігі шектеулі азаматтарға қызмет жасау. Мерекелік шараға қаламыздағы №7,8 арнайы үлгідегі және №5 көзі әлсіз көретін мектеп-интернатының 5-6 сынып оқушылары қатыстырылды. Шараны кітапхана директоры Алданазаров Ерқазы Жарылқасынұлы ашып отбасы күнімен құттықтап сайысқа қатысушыларға сәттілік тіледі. Шара барысында түрлі ойындар мен сайыстар өткізілді. Шара 5 кезеңге бөлінді. Бірінші отбасылық сайыс, екінші дойбы ойынынан, үшінші көкөністерден композиция жасау, төртінші Абай өлеңдерінен үзінді оқу, бесінші «Арттерпия» психолог маманмен тренинг өткізілді. Отбасылық сайыстың мүшелері Қазақ соқырлар қоғамының жанұяларынан яғни, кітапхананың тұрақты оқырмандарымен топтастырылды. Отбасылық сайыс бойынша І орын Шантаевтар, ІІ орын Базартаевтар, үшінші орын Жәмекеевтер иеленсе, Қожаниязовтар отбасы ынталандыру сыйлығына ие болды. Жеміс-жидектерден композиция жасау сайысында бірінші орын №7 мектеп, екінші орын №5 мектеп, үшінші орын №8 мектеп-интернаты иеленді. Дойбы ойыны бойынша өткен жарыста бірінші орын №5 мектеп, екінші орын кітапхана оқырманы Ағыбаев Болат, үшінші орын №7 мектеп-интернат оқушылары иеленді. Шарада белсенділік танытып, ерекше көзге түскен оқушылар Алғыс хаттармен марапатталып бағалы сыйлықтар табысталды. Аталған шара жеңімпаздарына бағалы сыйлықтар демеушілердің қайырымдылық көмектері арқылы жүзеге асырылды.
