«Өрісі кең өркенді тұлға» Ә.Нұршайықовтың туғанына 100 жыл толуына орай кітап көрмесі.
Бүгін, Қызылорда облыстық зағип және нашар көретін азаматтарға арналған арнаулы кітапханасында «Өрісі кең өркенді тұлға» атты кітап көрмесі Қазақстанның халық жазушысы, Абай атындағы Мемлекеттік сыйлықтың лауреаты Әзілхан Нұршайықовтың 100 жасқа толуына орай ұйымдастырылды. Көрменің мақсаты Әзілхан Нұршайықовтың өмірі мен шығармашылығы туралы кеңірек таныстыру. Көрмеге жазушының «Махаббат қызық мол жылдар», «Ақиқат пен аңыз», «Қаламгер және оның достары», «Мәңгілік махаббат жыры», «Өмір өрнектері» атты шығармалары қойылды. Әзілхан Нұршайықов Кеңес Одағының батыры Бауыржан Момышұлы туралы жазған «Ақиқат пен аңыз» романы үшін Абай атындағы Қазақ КСР Мемлекеттік сыйлығына ие болған. Жауынгер жазушы Әзілхан Нұршайықов еліне қосқан елеулі еңбегі үшін көптеген марапаттарға ие болған. Қазақтың біртуар азаматы, еліне ерен еңбегі сіңген қайраткердің өнегелі өмірі мен қайталанбас шығармалары барда ешқашан ұмытылмақ емес...
