"Невада - Семей" ядролық полигонына 70 жыл (1949-2019) толуына орай ақпарат сағаты
Зағип және нашар көретін азаматтарға арналған арнаулы кітапханасының оқу залында "Невада - Семей" ядролық полигонына 70 жыл (1949-2019) толуына орай ақпарат сағаты болып өтті.
Мақсаты: Оқырмандарға Семей өңірінде жүргізілген ядролық сынақ және оның зардаптары туралы мәліметтер беру. Қоршаған ортаның ластануы тіршілік иелеріне өте зиян келтіретінін айтып, келешекте табиғат тағдыры өз қолдарында екені туралы толық түсініктер беру. Семей полигонын жабуға күш салған Н. Ә. Назарбаев, О. Сүлейменов, К. Бозтаев сынды қоғам қайраткерлерімен таныстыру, олардың өнегелі өмірлерін үлгі ету.
Өз еліне, өз туған жеріне сүйіспеншілігін сақтай отырып оның табиғатын, табиғат байлықтарын қорғауға ұмтылдыру.
Мәдени шараға кітапханамыздың тұрақты оқырмандары І топтағы көз мүгедектері Утемуратов Қ, Қылышбаев Е, Өміртай Ә қатысып Семей полигоны туралы және оны жабуға атсалысқан қоғам белсенділері туралы өз ойларымен бөлісті.
