«Өлеңімен өмірін өрнектеген» атты ақын, Қазақстан Журналистер Одағының мүшесі Дастан Мырзабекұлы Нәзікбаевпен кездесу кеші.
Сыр елі қазақ әдебиетінің қайнар бұлағы. Болашаққа әдебиеттің тұнығы бұзылмай жетуіне бірден бір бастау болатын жер де осы өңір. «Сыр елі – жыр елі» деп аталған топырақта талай ақын-жазушылар дүниеге келген.
Осы орайда бүгін Қызылорда облыстық зағип және нашар көретін азаматтарға арналған арнаулы кітапханасының ұйымдастыруымен «Өлеңімен өмірін өрнектеген» атты ақын, Қазақстан Журналистер Одағының мүшесі Дастан Мырзабекұлы Нәзікбаевпен кездесу кеші өтті. Ұйымдастырылған кездесу кешіне Қорқыт Ата атындағы университет студенттері және кітапхана оқырмандары қатысты. Дастан Мырзабекұлы жастар тарапынан қойылған сұрақтарға қызықты оқиғалармен үйлестіре отырып жауап берді. Оқырмандар ақынның өлеңдерін оқыды. Шара барысында автордың «Қырғауылдың қайғысы» кітабы кітапхана жанынан ашылған Дыбыс жазу студиясында СД дискадаға аударылып оқырманға жол тартты. Шара клуб қызметкерлері дайындаған концерттік бағдарламаға ұласты.
