«Ұлы даланың – ұлы тұлғасы» Ә.Нұршайықовтың 100 жылдық мерейтойына орай портрет кеші.
18.10.2022 күні Қызылорда облыстық зағип және нашар көретін азаматтарға арналған арнаулы кітапханасының ұйымдастыруымен ҚР халық жазушысы Ә.Нұршайықовтың туғанына 100 жыл толуына орай «Ұлы даланың ұлы тұлғасы» атты портрет кеші арнаулы кітапхананың оқу залында өтті. Қаламгер сомдаған Бауыржан, Мәлік тұлғалары асқақтықты танытса, Ербол, Меңтай образдары әдебімен оқырманын сүйсінткен жазушының өмірі мен шығармашылығы туралы кітапханашы А.Нүрлиева таныстырып, өлеңдерін оқып берді. Шарға қатысқан кітапхана оқырмандары жазушының «Махаббат қызық мол жылдар» атты кітабынан үзінділер оқып, кітап туралы пікірлерімен бөлісті.
