Қазақстан Республикасының Президенті Қасым-Жомарт Тоқаев 2022 жылдың 5 мамырдағы үндеуінде Конституцияға өзгерістер мен толықтырулар енгізу жөнінде референдум өткізу туралы Жарлық
Қазақстан Республикасының Президенті Қасым-Жомарт Тоқаев 2022 жылдың 5 мамырдағы үндеуінде Конституцияға өзгерістер мен толықтырулар енгізу жөнінде референдум өткізу туралы Жарлыққа қол қойғаны белгілі. Өзі айтқандай, бұл өте тарихи маңызы зор шешім. Аталған бастама жүзеге асса елдің «саяси жүйесі едәуір өзгеріске ұшырайды». Осы орайда Қызылорда облыстық зағип және нашар көретін азаматтарға арналған арнаулы кітапханасында Қызылорда облыстық филиалының төрайымы Үмбетова Раушан Балтабайқызы және облыстық Референдумды қолдау штабының мүшесі Саймағанбетов Берік Рахманұлының қатысуымен кітапхана қызметкерлері және кітапхана оқырмандарымен кездесу болып өтті. Кездесу барысында Конституцияға енгізілетін өзгерістер мен толықтырулар аса қызығушылықпен талқыланды. Кездесуге қатысушылар өз ойларын, ұсыныс, пікірлерін ортаға салды. Кездесуге қатысушылар енгізілетін өзгерістерді қолдап, Референдумға бір ауыздан қатысатындықтарын жеткізді. Бұл қадам Жаңа Қазақстанның жаңаша дамуына бастама болмақ...
