Ұлы Жеңістің 77 жылдығы және қазақтың қаһармандары Т.Бигельдиновтің 100 ж., М.Мәметованың 100ж., Х.Доспанованың 100 ж толуына орай «Отан үшін от кешкендер...» атты еске алу кеші.
Бүгін Қызылорда облыстық зағип және нашар көретін азаматтарға арналған арнаулы кітапхананың ұйымдастыруымен Ұлы Жеңістің 77 жылдығына және қазақтың қаһармандары Авиация- генерал майоры, Кеңес Одағының екі мәрте батыры, «Барыс» орденінің иегері Талғат Бигелдиновтің 100 жылдығы, қазақтың қаһарман қызы, Кеңес Одағының Батыры Мәншүк Мәметованың 100 жылдығы, қазақтан шыққан тұңғыш әйел-ұшқышы, жауынгер, батыр, халық қаһарманы Хиуаз Доспанованың 100 жылдығына орай «Отан үшін от кешкендер» атты еске алу кеші болып өтті. Шара барысында батырларымыздың ерлік жолдары туралы бейнекөрсетілім көрсетіліп, соғыс жылдарында шырқалған әндерді қоғам мүшелері мен қаламыздағы №8 мектеп-интернат оқушылары орындады. Бейбіт өмір сыйлаған ағаларымыз бен апаларымыздың ерліктерін жастарға өнеге ету, патриоттық сезім тәрбиелеу мақсатында өткен шара өз деңгейінде өтті. Шараға келген қонақтар енді соғыс болмасын, болашақ ұрпақ бейбіт аспан астында өмір сүрсін деген жақсы тілекпен тарқасты.
