«Спорт – денсаулық кепілі» атты І-ІІ топ көз мүгедектері арасында дойбы ойынынан жарыс.
Бүгін Қызылорда облыстық зағип және нашар көретін азаматтарға арналған арнаулы кітапханасының ұйымдастыруымен «Спорт – денсаулық кепілі» атты І-ІІ топ көз мүгедектері арасында дойбы ойынынан жарыс болып өтті. Жарысқа Қазақ соқырлар қоғамында есепте тұратын 18 көз мүгедегі қатысты. Жарыс өте тартысты өтті. І орынды Тлегенов Жасұлан, ІІ орынды Тәжібаев Жетес, ІІІ орынды Дүзбай Күлімкөз иеленді. Топты жарып шыққан жеңімпаздарды кітапхана директоры Б.Арысбаев пен шара демеушісі Р.Бименов бағалы сыйлықтармен марапатады. Жарысқа қатысушылардың барлығына ынталандыру сыйлықтар табысталды.
