«Туған жерге тағзым» бағдарламасы аясында «Туған өлке перзенттері» атты ақпарат сағаты.
Жер тарихы – бұл ел тарихы. Сыр топырағы атақты батырлар, ақындар, шешендер, жыршыларға толы мекен. Осындай перзенттерді дүниеге әкелген Сыр жері киелі жер. Осы орайда бүгін Қызылорда облыстық зағип және нашар көретін азаматтарға арналған арнаулы кітапханасында «Туған өлке перзенттері» атты ақпарат сағаты болып өтті. Ел мақтанышына айналған Сыр өңірі жайлы қаншама ақындарымыз өз жырларын, әндерін жазып қалдырған. Т.Қалауовтың «Қызылорда вальсі», М.Сыздықовтың «Сыр гүлі», Б.Ахметованың «Сүйем сені, Сыр елім», Р.Таймановтың «Қызылордам–туған жерім» және т.б. ақын-жазушылар жырлаған өлеңдері Қызылорданың әсем бейнесін айшықтай түседі. Шара барысында жергілікті ақын, жазушыларымыз туралы оқырмандар да өз ойларын ортаға салып кештің қызықты өтуіне атсалысты. Шара өте әсерлі өтті.
