«Бақытта балалық шақ» атты спорттық жарыс
03 маусым 2019 жылы Қызылорда облыстық зағип және нашар көретін азаматтарға арналған арнаулы кітапханасы мен Қазақ соқырлар қоғамы оқу-өндірістік кәсіпорын клубы қызметкерлерімен бірлесіп жас оқырмандардың жазғы демалыстарын қызықты әрі тиімді өткізу мақсатында «Бақытта балалық шақ» атты спорттық жарыс өткізді. Балалар төрт командаға бөлініп қойылған шарт бойынша түрлі кедергілерден өтіп, жеңіс тұғырынан көрінуге тырысып-ақ бақты. Бірақ мықты «Жігер» командасы басымдау болып І орынды иеленді. ІІ орынды «Сұңқар», ІІІ орында «Қыран» командасына берілсе «Жеңіс» командасы ынталандыру сыйлығымен марапатталды. Жеңімпаздарға арнайы Алғыс хаттар мен бағалы сыйлықтармен табысталды.
