«Қазақтың бұлбұл әншісі» кітап көрмесі. Қазақстанның және КСРО Халық әртісі, Халық қаһарманы Роза Бағланованың туғанына 100 жыл. (01.01.1922 – 08.02.2011 ж)
Қазақстан және КСРО Халық әртісі, Халық Қаһарманы, қазақтың бұлбұл әншісі Роза Тәжібайқызы Бағланованың туғанына 100 жыл толуына орай кітапхананың оқу залында «Қазақтың бұлбұл әншісі» атты кітап көрмесі ұйымдастырылды.
Р. Бағланова кеңес тұсында қазақ өнерінің өрісін кеңейтіп, ән өнерін дамытуға айрықша ауқымды үлес қосқан әнші. Өмірін өнерім, өнерін өмірім деп ұстанған Роза Тәжібайқызының өнер жолындағы бастамалары, әр кездердегі фотосуреттері мен кездесулері туралы суреттер мен құнды сұхбаттары көрмеге қойылып оқырмандарға таныстырылды.
Мәдени шараның мақсаты Қазақстан Республикасының Халық қаһарманы, қазақ ән эстрадасының ең биік шыңына көтерілген күміскөмей әнші Роза Бағланованың өмірі мен шығармашылығын насихаттау, өнердегі жолын болашақ жастарға үлгі ету.
