«Алаш арыстары» атты портрет кеш
23 мамырда кітапхананың оқу залында «Алаш арыстары» атты портрет кеші болып өтті. Кешке кітапхана оқырмандары мен С.Ысқақов атындағы колледж студентері мен оқытушылары қатысты.
Кеште «Алаш арыстары» туралы мағлұмат беріліп, Тәуелсіздік қай ұлттың болмасын баға жетпес байлығы, құндылығы. Жас мемлекетіміздің аяғынан тік тұрып, кетуі оңай болған жоқ.Талай арыстарымыз ажал құшып, өмірі ойрандалып, тағдыр сынына ұшырағандығы белгілі. Алаш азаматтары елі мен жері үшін бастарын бәйгеге тікті. Нәтижесі – бүгінгі күн. Құрметке лайық ардақты азаматтар бізге келелі келешектің, жарқын болашақтың даңғыл жолын салып кетті. Олар Б.Майлин, С.Сейфуллин, І.Жансүгіров.
Кітапханашы Р.Жақыпова «Алаш арыстары» атты көрмемен таныстырды.
Оқырмандар Ж.Агыбаева, Б.Жетпісбаевалар Алаш алыптарын қазақ ұлтының тәуелсіздігінің авторлары деуге негіз бар деген ойларын білдіріп, қатысқан жастарды ерлікке, сүйіспеншілікке, ел мен жерін қорғайтын адал азамат болуға шақырды.
