«Рухани жаңғыру» бағдарламасы аясында «Сыр сүлейін сұрасаң» жыршымен кездесу кеші.
Қазақстан Республикасы Тәуелсіздігінің 30 жылдығы, «Ұлттық рухани жаңғыру» ұлттық жобасы, «Болашаққа бағдар: Рухани жаңғыру» бағдарламасы аясында Қызылорда облыстық зағип және нашар көретін азаматтарға арналған арнаулы кітапханасының ұйымдастыруымен Қазақ соқырлар қоғамы клубында «Сыр сүлейін сұрасаң» атты жыраулармен кездесу кеші өтті. Сыр елі – жыр елі деп бекер айтылмаса керек. Ата-бабамыздан мұра болып келе жатырған жыршылық мектебінің туын тіккен жер десек қателеспейміз. Осындай асыл мұраны көзінің қарашығындай сақтап, насихаттап жүрген жерлестеріміздің бірі Айдос Рахметов. Сүлейлердің ізімен жүріп, жыраулық өнерді өмірінің өзегі еткен, халыққа дәріптеп, шәкірттер тәрбиелеп жүрген айтыскер ақын, жырау Айдос Рахметов шәкірттерімен жырдан шашу шашты.
