«Қамбар батыр» жырын насихаттау мақсатында дауыстап оқу
20.05.2019 жылы Қызылорда облыстық зағип және нашар көретін азаматтарға арналған арнаулы кітапханасының оқу залында «Қамбар батыр » жырын насихаттау мақсатында дауыстап оқу болып өтті. Қамбар батыр жыры - қазақ халқының қаһармандық жыры. Негізгі мазмұны - шет ел басқыншыларынан елді қорғау, осы жолда асқан ерлік көрсеткен ер азаматтардың батырлық істерін көрсету. Көркемдік биік қасиеттері жағынан дүниежүзі халықтарының белгілі батырлық эпостарының қатарында тұрған шығарма. «Қамбар батыр» жыры бұрынғы замандардан бері қарай ауызша айтылатын жыр болған. Сондықтан, мұның өлеңдік құрылысында сол ауызша жырдың ерекшеліктері бар. Кештің мақсаты «Қамбар батыр» жырын оқырмандарға насихаттау. Қатысушы оқырмандар «Қамбар батыр» жыры туралы маңызды мағлұматтар алды.
