«Өмірге құштар, өнерге іңкәр» атты ән айту, көркем сөз оқу және дойбы ойынынан жарысы
26.04.2019 ж. Қызылорда облыстық зағип және нашар көретін азаматтарға арналған арнаулы кітапханасының ұйымдастыруымен Елбасы Н.Ә.Назарбаевтың «Болашаққа бағдар: рухани жаңғыру» және «Ұлы даланың жеті қыры» атты бағдарламалық мақаласы сондай-ақ Жастар жылы аясында көз мүгедектері арасында «Өмірге құштар, өнерге іңкәр» атты ән айту, көркем сөз оқу және дойбы ойынынан жарыс ұйымдастырылды. Шараның мақсаты мүмкіндігі шектеулі азаматтарды қоғамға тарту, өнерлерін шыңдау, өнерпаздарды анықтау болатын. Ән айту жанры бойынша өткен байқауда І орын Ә.Өміртай, ІІ орын Д.Нұрымбетов, ІІІ орын И.Баймаханова иеленсе, Көркемсөз оқу жанры бойынша І орын Т.Есмағанбетова, ІІ орын Б.Іргебаева, ІІІ орын С.Шайықов иеленді. Дойбы ойыны бойынша қазылар І орынды Е.Өтешовке, ІІ орынды Т.Дүзбайға, ІІІ орынды Ж.Тәжібаевқа лайықты деп таныды. Жеңімпаздарға алғыс хаттар мен бағалы сыйлықтар табысталды. Шараға демеушілік жасаған «Орда зағиптар» қоғамдық бірлестігі, төрағасы І топ көз мүгедегі Бименов Ролан Асқарұлы.
