«Тұғыры биік тұлға» атты портрет кеші
Қазақтың ұлы жазушысы, қоғам қайраткері, ғұлама ғалым М. Әуезов Қ. Сәтбаев туралы былай деген: «Қ.Сәтбаев қазақ ғылым академиясындағы президенттік қасиеттерінің ең зоры - ол аса талантты және қажырлы, еңбекке төзімді ұйымдастырушысы». Қ. Сәтбаев Жезқазған кен орнын ашуы, Метеллогения ғылыми мектебінің негізін қалаушы, Қазақ Ғылым академиясының негізін қалаушы және оның Президенті.
2019 жылдың 12 сәуір күні «Орда зағиптар» мүгедектер қоғамдық бірлестігінде Ұлы ғалым-геолог, қоғам қайраткері, геология – минерология ғылымдарының докторы, профессор Қ. И. Сәтбаевтың туғанына 120 жыл толуына орай «Тұғыры биік тұлға» атты портрет кеші өтті. Кешті «Орда зағиптар» мүгедектер қоғамдық бірлестігінің төрағасы Р.Бименов ашып берді. Кештің мақсаты өнеге болар өмір дерегі бар геологтың өмірі мен қызметі туралы ақпараттарды оқырмандарға кеңінен таныстыру. Кешке қатысқан оқырмандар Қ.Сәтбаев туралы ойларын айтып, маңызды мағлұматтар алды.
