«Әлемді кітаппен таны» атты пікір алмасу
19 сәуір күні Қызылорда облыстық зағип және нашар көретін азаматтарға арналған арнаулы кітапханасында 23 сәуір Дүниежүзілік кітаптар күніне «Кітап ғажайып әлем» атты апталық аясында «Әлемді кітаппен таны» атты пікір алмасу өтті.
Мақсаты: Білімнің кітап арқылы берілетінін ұғындыру, кітаптың адам өміріндегі маңызы, ғылым мен білімнің пайдасы жайлы түсіндіру, кітапқа деген қызығушылығын арттыру, оқулықтарды күтіп ұстауға үйрету.
Оқу залында «Кітап - рухани ұлы күш» атты кең көлемді кітап көрмесі ұйымдастырылды. Көрме үш бөлімнен тұрады. «Кітап - ең сабырлы ұстаз» «Кітап - сарқылмас рухани қазына » «Кел жастар кітап оқылық»
Кешті кітапханашы А. Бекенова ашып, рухани өмірімізде кітаптың алатын орны ерекше, кітап білімімізді молайтып, тіл байлығымызды дамытып, саналы да білімді адам шығаруға таптырмайтын баға жетпес дүние деді.
Кеште тұрақты кітапхана оқырмандары – Р. Бименов, Д.Нұрымбетов, кітапханашы А. Нүрлиева, окырман Г.Абиловалар қатысып өз ойларынан шығарған өлең жолдарын оқып, оқыған кітаптары жайлы өз пікілерімен ой бөлісті. Кешті кітапханашы П. Кошкарова жүргізіп, ұйымдастырылған кітап көрмелерімен бірге кітапханаға келген жаңа әдебиеттерге шолу жасады.
