«Жасай бер, Тәуелсіз Қазақстан» атты шара
Қазақстан Республикасы Тәуелсіздігінің 30 жылдығына орай «Жасай бер, Тәуелсіз Қазақстан» атты шара аясында Қызылорда облыстық зағип және нашар көретін азаматтарға арналған арнаулы кітапхана жанынан ашылған «Ақмешіт» клубы Батыс Қазақстан облысының «Ақжайық» клубтары арасында Zoom платформасында зияткерлік ойыны өтті. Әр команда І-ІІ топ зағип азаматтардан құралып, барлығы 6 ойыншы қатысты. Әділ-қазылар алқасының шешімімен Қызылорда облысының «Ақмешіт» командасы сұрақтардың басым көпшілігіне дұрыс жауап беріп 10 - 2 есебімен жеңімпаз атанды. Жастардың ой-өрістерін кеңейтіп, оқуға деген қызығушылықтарын арттыру, патриоттық сезімін ояту, білімін шыңдау, кітапханаға оқырман тарту мақсатында жоспарлаған шара өз үдесінен шықты. Осы шараның арнайы қонағы республикалық арнаулы кітапхана директоры Байұзақов Асхат Хұсайынұлы ойынға қатысушыларды құттықтап, үрдісті жалғасытруға ықылас білдірді. Жеңімпаздар Алғыс хаттар мен бағалы сыйлықтармен марапатталды.
