«Мұқағали – поэзия Хантәңірі» атты әдеби-әуезді шара
09.02.2021 жылы Қызылорда облыстық зағип және нашар көретін азаматтарға арналған арнаулы кітапханасында Республикалық «Бір ел – бір кітап» акциясы аясында «Тәуелсіздігіміздің 30 жылдығына – 30 кітап» атты рухани-мәдени акциясы аясында М.Мақатаевтың «Өмірдастан» кітабы бойынша «Мұқағали – поэзия Хантәңірі» атты әдеби-әуезді шара ұйымдастырылды. Шараға қаламыздағы №4 С.Сейфуллин атындағы АТ мектеп-лицейінің оқушылары қатысып артына айрықша өшпейтін із қалдырған Мұқағали Мақатаевтың өлеңдерін оқып, сөзіне жазылған әндер орындалды. Шара барысында «Жыр жүйрігі – Мұқағали» атты кітап көрмесі ұйымдастырылып оқырмандарға таныстырылды. «Мұқағали – поэзия Хантәңірі» атты Брайль қарпінде өлеңдер жинағы басылып оқырмандарға ұсынылды. Шараның мақсаты М.Мақатаевтың поэзиясының халыққа кең таралуының мәні және оның өміршеңдігінің сыры неде екенін таныту, сезіндіру. Ақынның шығармашылығын насихаттау, оқырмандардың әдебиетке деген сүйіспеншіліктерін ояту болатын. Мақсат өз үдесінен шығып шара концерттік бағдарламаға ұласты.
