«Ұлы даланың жеті қыры-тарихымызды кеңінен қарауға жасалған үндеу» атты ақпарат сағаты
27 ақпан 2019 жылы Қызылорда облыстық зағип және нашар көретін азаматтарға арналған арнаулы кітапханасының оқу залында Елбасы
Н.Ә Назарбаевтың «Ұлы даланың жеті қыры» атты мақаласына орай «Ұлы даланың жеті қыры- тарихымызды кеңінен қарауға жасалған үндеу» атты ақпарат сағаты өтті. Ақпарат сағатын кітапханашы А.Бекенова мен ҚСҚ Қызылорда облыстық филиалының төрағасы Қолдабеков Асқар ашып берді. Қазақстан Республикасының тұңғыш Президенті Н.Ә.Назарбаевтың 2017 жылғы сәуір айында жарық көрген «Болашаққа бағдар: рухани жаңғыру» атты мақаласының жалғасы болып табылатын «Ұлы даланың жеті қыры» атты мақаласы Ұлы дала Елінің тарихынан сыр шертетін қазақ халқының тұнып тұрған шежіресі сияқты. Қазақстан тарихын жаһандық тарихтағы Ұлы даланың орнын анықтауға мүмкіндік беретін, біздің жерімізде пайда болған мәдени жетістіктер, қазақ ұлтының ұлттық тарихтың көкжиегінің бағалануы мен зерттелуінің уақыты келгенін атап айтты. Шара барысында оқырмандар өз пікірлерін ортаға салып, ойларын жеткізді.
