«Сырды жырлаған сырлы ақын» атты әдеби-сазды кеш
22 ақпан күні ақын драматур Қазақстанның халық жазушысы Әбділда Тәжібаевтың 110 жылдығына орай арнаулы кітапхананың оқу залында «Сырды жырлаған сырлы ақын» атты әдеби-сазды кеш өтті.
Мақсаты: Әбділда Тәжібаевтың жерді құрметтеу, халқына, ана тіліне, Отанға деген сүйіспеншілік тақырыбында жазылған өлеңдері арқылы оқырмандарды ұлттық намыс, жігерлікке тәрбиелеу. Біздің мақсатымыз - осындай тәрбиелік мәні зор өлеңдерді жастарымызға таныстырып, ұрпағымызды ұлттық рухта тәрбиелеу.
Әдеби-сазды кешке №7 мектеп интернаттың оқушылары және кітапханамыздың оқырмандары І-ІІ топтағы көз мүгедектері белсене қатысты.
Мәдени шараны әдіскер Бекенова Айна ашып берді. Кітапханашы Макосова Әбділда атамыздың шығармашылығына шолу жасап, № 7 арнайы түзету мектеп интернатының оқушылары Қалдыбаева Ақбота, Мақпал Бүркітбаева, Жұматай Жангелді Тәжібаевтың өлеңдерін мәнерлеп оқыды. Ақынның сөзіне жазылған «Сырдария», «Құлыншағым» әндерін кітапханашы Нүрлиева және І топ көз мүгедегі оқырманымыз Байоразова орындады.
Сыр бойының аяулы азаматы, әдебиет танушы, филолог, зерттеуші, профессор, ақын Әбділда Тәжібаев өзінің артына өшпестей етіп, үлкен мұра қалдырды.
