«Жыр дариясына айналған ақын» атты поэтикалық марафон
28 ақпан 2020 жылы зағип және нашар көретін азаматтарға арналған арнаулы кітапханасының Коворкинг орталығында А. Тоқмағанбетовтің туғанына 115 жыл толуына орай «Жыр дариясына айналған ақын» атты поэтикалық марафон ұйымдастырылды. Шараға қаламыздағы №8 санаториялы мектеп-интернат оқушылары қатысты.
Шараның мақсаты: Оқушыларға қазақ әдебиетінде өзіндік орны бар А.Тоқмағанбетовтің өмірі мен жазушылық қызметін, поэзиясының жалпы қазақ поэзиясындағы орнын, лирикасының ерекшелігі туралы мәлімет беру. Оқушыларға ақынның өлеңдерін оқыту арқылы ақыл – ойын, есте сақтау қабілетін, тіл байлығын, сөздік қорын, мәнерлеп оқу дағдысын қалыптастыру.
Поэтикалық марафонға 6 сынып оқушылары Нұражанова Көркем, Смағұл Жандос, Іздіқұл Нұржан, Темірғалиқызы Айсана, Нұрмұхамед Есетұлы қатысып ақынның өлеңдерін нақышына келтіріп оқыды.
