«Абай мұрасы – ұрпаққа ұлағат» атты әдеби-сазды шара
28.02.2020 жылы Қызылорда облыстық зағип және нашар көретін азаматтарға арналған арнаулы кітапханасының оқу залында Абай Құнанбайұлының 175 жасқа толуына орай «Абай мұрасы – ұрпаққа ұлағат» атты әдеби-сазды шара өтті. Ұлтымыздың ұлы ақынының шығармалары оқылып, әндері орындалды. Абай Құнанбайұлының 6, 17 қара сөздерін І топ көз мүгедегі Таспахова Гүлнар оқыса, №140 мектеп оқушылары өлеңдерін, С.Ысқақов атындағы бизнес колледжінің студенті ақынның «Жасымда ғылым бар деп ескермедім» атты өлеңін оқыды. Кітапхана оқырманы З.Төлегенова «Желсіз түнде жарық ай» әнін нақышына келтіріп орындаса, «Көзімнің қарасы» әнін клуб қызметкерлері орындады. Сонымен қатар «Әлем таныған ұлы Абай» атты кітап көрмесі ұйымдастырылып оқырмандарға таныстырылды.
