«Кітап – рухани байлық кілті» атты саяхат ойыны
Арнаулы кітапхананың оқу залында № 8 санаториялық мектеп интернаты оқушыларының қатысуымен «Кітап – рухани байлық кілті» атты саяхат ойыны болып өтті.
Мақсаты: Кітап – рухани байлық кілті дей келе, оқушыларға білімнің кітап арқылы берілетінін ұғындыру. Кітаптың адам өміріндегі маңызы, ғылым мен білімнің пайдасы жайлы түсіндіру. Кітапқа деген қызығушылықтарын арттыру, оқулықты күтіп ұстауға үйрету.
Шараны кітапханашы Қ.Макосова жүргізіп, кітап адамның жан – дүниесі, асыл қазынасы, рухани азығы дей келе, оқырмандарды кітап оқуға шақырып, кітапсыз білім жоқ екенін айтып түсіндірді. Шараға қатысушы оқырмандар екі топқа бөлініп, мақал- мәтелдер мен жұмбақтар жасырып сайысты. Мәдени шара жалғасын тауып, оқырмандар Абайдың өлеңдерін жатқа оқыса, енді бірі әндерін нақышына келтіре орындады. Шара соңында кітапхана қызметкері Р.Жақыпова белсене қатысқан оқырмандарға алдағы уақытта кітап оқып, білімді тек кітаптан ғана іздеп, осындай шараларға белсене араласып жүруге шақырып, шараға қатысқандарына алғысын білдіріп, саяхат ойынына белсене қатысқан оқырмандар кітапхана басшысының алғыс хатымен марапатталды.
