«Рәміздер – елдігімнің белгісі» атты ақпарат сағаты
18.02.2020 ж. кітапхананың «Коворкинг» орталығында «Рәміздер – елдігімнің белгісі» атты ақпарат сағаты болып өтті.
Ақпарат сағатының мақсаты: Өскелең ұрпақтарға Елтаңба, Ту, Әнұран туралы түсініктерін нығайту. Рәміздердің пайда болуы және тарихтағы маңызы жайлы түсініктерді дамыту. Жастарды Отан сүйгіштікке, адамгершілікке, отанына, халқына адал қызмет етуге, елінің Туын, Елтаңбасын, Әнұранын қастерлеп, құрметтеуге, халқының тегін, тарихын білуге тәрбиелеу.
Шараға С.Ысқақов атындағы құрылыс-бизнес колледжінің студенттері қатысып Қазақстан Республикасының негізгі рәміздері туралы сұрақтар қойып, жалпы рәміздердің тарихы туралы мәліметтерге қанықты. Кітапханашылар Р.Жақыпова мен Қ.Макосова еліміздің осы күнге дейін жеткен жетістіктеріне тоқталып, шараға қатысқан жастарды өз жерімізді, елімізді қадірлеуге, оны қорғауға шақырды.
