«Қазақтың қос жұлдызы» атты әдеби шара
Қызылорда облыстық зағип және нашар көретін азаматтарға арналған арнаулы кітапханасы қаламыздағы №5 көру қабілеті бұзылған балалардың арнайы (түзету) мектеп-интернат оқушыларымен бірлесіп қазақтың қос ақыны М.Мақатаев пен Ф.Оңғарысынованың шығармашылығына арналған «Қазақтың қос жұлдызы» атты әдеби шара ұйымдастырды.
Мақсаты: М.Мақатаев пен Ф.Оңғарсынованың өмірі, шығармашылығымен таныстыру. Ақын өлеңдерінің мәңгілік жыр қазына екенін ұғындыра отырып оқушыларға өлеңді мәнерлеп, нақышына келтіріп оқуға дағдыландыру. Ақын өлеңдері арқылы оқушылардың Отанға, халқына, тіліне деген сүйіспеншілік сезімдерін ояту, отаншылдыққа тәрбиелеу.
Мәдени шараға №5 көру қабілеті бұзылған балалардың арнайы (түзету) мектеп-интернат оқушылары мен ұстаздары және арнаулы кітапхананың тұрақты оқырмандары қатысты. Оқушылар ақынның өлеңдерін мәнерлеп оқыса, қос ақынның өлеңдеріне жазылған әндерді кітапхана қызметкері А.Нүрлиева, кітапхана оқырманы Ә.Өміртай және Қазақ Соқырлар клубы қызметкері А.Шүкіров орындап берді. Шара аясында «Поэзияның қос шынары» атты кітап көрмесі ұйымдастырылып қонақтарға таныстырылды. Кітапхананың тұрақты оқырмандары І топ көз мүгедектері Өтемұратов Кайнар, Ахатаев Рақымжан сөз кезегін алып шараны ұйымдастырған кітапхана қызметкерлеріне алғыстарын айтып, осындай жастарға үлгі болатындай шаралар жалғасын таба берсін деп тілек айтты.
