«Жанарсыз да жарық әлем» атты әдеби-сазды шара
04.12.2019 жылы Қызылорда облыстық зағип және нашар көретін азаматтарға арналған арнаулы кітапханасының ұйымдастыруымен «3 желтоқсан – Халықаралық мүгедектер күніне» орай «№1 Қызылорда әлеуметтік қызметтер көрсету орталығы» мемлекеттік мекемесінде «Жанарсыз да жарық әлем» атты әдеби-сазды шара өтті.
Мақсаты: Елбасының «Рухани жаңғыру» бағдарламасы аясында зағип жандардың шығармашылық насихаттау, қабілеттерін арттыру, қоғамға бейімдеу, уақыттарын тиімді әрі қызықты өткізу.
Шараны кітапхана директоры Е.Ж. Алданазаров пен №1 Қызылорда арнаулы әлеуметтік қызметтер көрсету орталығы директорының орынбасары Ақшалов Ержан Кенжебайұлы ашып, қазыналы қарттарымызға ізгі тілектерін жолдады. Шара барысында мүмкіндігі шектеулі азаматтарымыздың шығармаларын насихаттау мақсатында С.Ысқақов атындағы колледж студенттері қатысып өлеңдерін оқыды. Кітапхана оқырмандары Ақкенже Маханбетова мен Гүлсім Әбіловалар өздерінің туындыларын оқырмандарға ұсынды. Сонымен қатар «Жанары сөнсе де өнері сөнбеген» атты кітап және тифлоқұралдар көрмесі ұйымдастырылып таныстырылды.
