«Президент – ғасыр адамы» атты мерекелік шара
2019 жылдың 29 қараша күні Қызылорда облыстық зағип және нашар көретін азаматтарға арналған арнаулы кітапханасының оқу залында 1 желтоқсан – ҚР Тұңғыш Президент күніне арналған «Президент – ғасыр адамы» атты мерекелік шара ұйымдастырылды.
Шараның мақсаты: ҚР Тұңғыш Президенті, Елбасы Н.Ә. Назарбаевтың өмір жолдары мен Егеменді еліміздің жеткен жетістіктері, әлем алдындағы жинаған абырой беделі, атқарған еңбектері жайлы жан – жақты мәлімет беру, әрі насихаттау.
Мерекелік шараға «Өрлеу Біліктілікті арттыру ұлттық орталығы» Акционерлік қоғамы филиалы Қызылорда облысы бойынша педагогикалық қызметтердің біліктілігін арттыру институтының кафедра меңгерушісі, философия ғылымдарының докторы, профессор, Қазалы ауданының құрметті азаматы Баймырза Қожамберліұлы Қожамберлиев, филология ғылымдарының кандидаты, доцент Ахметова Бақыт Надірқызы және №8 арнайы санаториялық мектеп-интернатының ұстаздары мен оқушылары, Қазақ соқырлар қоғамы мүшелері, кітапхана оқырмандары қатысты.
Шара барысында кітапханашы З.Бисенова қатысушы қонақтарға «Елін сүйген Елбасы» атты кітап көрмесімен және оқырмандарымыздың күнделікті пайдаланып жүрген тифлоқұралдарымен таныстырды. Шара соңы мерекелік концерттік бағдарламаға ұласты.
