Кітап құрттар» (ерікті жастар үйымы қатысып) «Аудио кітап» (Ғаламтор және кітап – ғұмыр) атты кітап талқылау
16.11.2019 жылы Арнаулы кітапхана ұжымымен «Кітап құрттар» ерікті жастар ұйымы бірлесіп «Аудио кітап», «Ғаламтор және кітап – ғұмыр» атты пікірталас болып өтті. Шараға кітапхана оқырмандары мен КазГЮА колледжі тәрбие ісі жөніндегі орынбасары Меңдібай Талғат Амангелдіұлы (жетекші) және де бір топ кітап сүйер жастар қатысты. Аудио кітап жайлы оқырмандар мен жастар арасында пікір алмасу тартысты болып өтті. Қазіргі заманауи технологияға байланысты жастар жағы аудио кітапты қолдайтындығын білдірді. Кез келген уақытта, кез келген жерде сүйікті кітабымызды оқып, қалаған аудио кітабымызды тыңдаймыз, деп жас оқырмандарымыз өз ойларын айтты. Ұйым жетекшісі жас ұрпақтың бойына жақсы қасиеттерді қалыптастыруға, өз ойын еркін жеткізуге, ойлау қабілетін дамытуға және оқырмандарды кітапханаға кітап оқуға шақырды. ХХI ғасыр білім мен ғылымның ғасыры, арнаулы кітапхананың кітапханашысы Д. Оспанова шара аясында «Кітап-біздің рухани байлығымыз»- деп, шараға қатысушыларға алғысын айтып, өз ризашылығын білдірді.
