«Жанарсыз да жарық әлем» атты әдеби-сазды шара
Бүгін облыстық зағип және нашар көретін азаматтарға арналған арнаулы кітапханасының ұйымдастыруымен Сырдария аудандық орталықтырылған кітапханасында аудан көлеміндегі зағип және нашар көретін оқырмандарды кітапхана қызметімен қамту және ақпарат алуға еркін кеңістік орнату мақсатында «Жанарсыз да жарық әлем» атты тақырып аясында әдеби-сазды шара және әдістемелік құралдар мен жаңадан келген әдебиеттерден көрме ұйымдастырылды. Бүгінгі күні ауданда 80 аса көз мүгедегі тіркелген.
Аталған шараға шалғай аудандарда тұратын зағип оқырмандар қатыстырылды. Шараға аудан әкімінің орынбасары, аудандық жұмыспен қамту орталығының мамандары қатысып көз мүгедектеріне жаңа технологияларды алуда ықпал жасайтындықтарын жеткізді. Шара барысында заман талабына сай (тифломагнитофон, «Оникс» ұлғайтқыш құралы, оқу машинасы «Сара», жазу машинасы және Брайль жүйесін өздігімен үйренетін құрылғы) жұмыс жасау тәсілдері туралы кеңес берілді. Кітапхана жанынан ашылған Дыбыс жазу студиясында жарық көрген жаңа әдебиеттер аудан оқырмандарына ұсынылды.
