«Қазақ журналистикасының жұлдызы» дауыстап оқу кеші.
Жаһұт жыры арқылы еліне жан сарайының аңсарын айтып, ақындық жүрекпен мынау жарық дүниенің мәнін тәпсірлеп, алапат шабытын ұлтқа қызмет етуге бағыттаған ақындардың бірі – Сейсен Мұхтарұлы. Бүгінде есімі көп атала бермейтін, жыр жинақтары мен өнертану саласындағы зерттеу еңбектерін ел жадында қайта жаңғыртуға сұранып тұрған ақынның мұрасы – халықтың рухани қазынасы. Осы мақсатта, Сыр елінде туып, бүкіл қазаққа жырымен сыр ақтарған ақынның есімін дәріптеу мақсатында № 7 арнайы түзету мектеп-интернаты мен арнаулы кітапхананың ұйымдастыруымен «Қазақ журналистикасының жұлдызы» атты дауыстап оқу кеші өтті.